李子园
（从李子园高级农业生产合作社转戳到箇里）
有关箇個条目名称另外个意思，请参看“李子园食品”。李子园是上海市普陀区西北部一隻地名[1]，勒垃桃浦镇东部。沪宜公路、真南路、交通路、上海轨道交通11号线（李子园站）经过箇𡍲。
历史
[编辑]李子园老早就有哉，伊个辰光是隻贫民区，有田。1952年，李子园村民组建李子园农业生产合作社，隶属于真如区电台乡。1956年，李子园农业生产合作社帮其他合作社合併成六联社，弗久改叫李子园高级农业生产合作社。1958年9月30号，长征人民公社成立，李子园高级农业生产合作社成为长征人民公社个三大队一中队，第二年改名李子园大队。1962年7月份，桃浦人民公社从长征人民公社划出去，李子园大队改到桃浦人民公社底下[2]。
1972年，李子园大队设立工厂[3]。1979年，李子园大队开设仓库，发展仓储业。1983年，李子园大队个工业产值超过农业产值。同年李子园出现村民委员会。1987年，李子园大队改叫李子园工商合作社，农田也慢慢交消失哉[2]。