月河街道

月河街道
—  街道  —
莲花庄 莲花庄
省	浙江省
市	湖州市
区	吴兴区

月河街道，是吴越浙江省湖州市城里向个一隻街道，归吴兴区管，下底有9隻社区，总户数1.8万多户，常住人口3.5万多个人。有得霅溪公园、莲花庄公园、千甓亭、归安县学棂星门遗迹、湖笔博物馆咾啥个体现历史文化个场许。

历史

民国元年（1912年）归吴兴城。民国十八年（1929年）实行村里制，归吴兴县第十区，设有东街、学宫、道前、右文、横塘五里。民国廿年（1931年）里改成镇。民国廿四年（1935年）扩并乡镇，设月河镇，归吴兴县第一督导区，民国三十五年（1946年）镇撤脱，归程安镇。民国三十七年（1948年）11月份，程安镇撤脱，重番是月河镇。

1949年5月份，归湖州市月河区，10月份月湖区撤脱，归城南区。1951年5月份，建制成湖州市第一镇。1952年11月份，第二镇并到第一镇。1954年3月份，貤重番变成第一、二镇建制。1955年5月，镇改成街道。1958年7月份，第一、二两隻街道合并成第一街道。1962年4月份，重番分成第一、二两隻街道。1970年10月份，改名红卫街道。1971年4月份，重番改成第一街道。1981年10月份，改名月河街道。

2018年，增设湖东街道，调整月湖街道搭飞英街道个辖区。

社区

月河街道介歇有九隻社區：月河社区、南园社区、浮星桥社区、马军巷社区、文苑社区、东湖家园社区、吉山一社区（或者叫吉山一村社区）、吉山二社区（或者叫吉山二村社区）、二里桥社区。