曹景行

曹景行（1947年8月21号—2022年2月11号），生勒上海，祖籍浙江浦江蒋畈村（难朝蘭谿市梅江镇），中国电视节目主持人、报刊编辑。

生平

1947年，渠生勒上海。渠拉爷曹聚仁是浦江蒋畈村（难朝蘭谿市梅江镇聚仁村）人，是有名个作家搭记者。

1968年开始，渠勒皖南山区插队10年。1978年，进复旦大学历史系。1982年，进上海社会科学院世界经济研究所研究美国经济。1989年，应聘当仔《亚洲周刊》撰述员，1994年成为副总编，后首来兼任《明报》主笔，写社论搭评论。 1997年，转行电视，当仔香港传讯电视中天新闻频道个总编辑。1998年，进凤凰卫视，当过凤凰卫视资讯台副台长兼言论部总监。2009年2月份开始，曹景行勒垃中央人民广播电台新闻综合频率中国之声早间黄金时段，每日天评述国内外时事新闻。从香港退休以后，渠回到上海，勒垃东方卫视当评论员。

2020年8月份，渠查出生胃癌。2022年2月11号勒垃上海过世，享寿75岁。