夜到

晏到也叫作夜或夜晚，是指太阳低于地平线个期间，此段辰光内人个肉眼无法观测到太阳，由于处拉阳光直射面个后半部分，阳光无法照射到，所以光线较暗。拉弗同高度、时区、季节搭纬度有弗同个长度。一般拉夏天个辰光，夜晚比冬天更短。纬度越低个地区，夏天托冬天夜晚辰光差距越小。赤道上个昼夜时长固定拉12小时，南北两极会出现极夜个现象。

人们通常拉晚上进食晚饭，而且拉传统上通常较早午两餐丰富，箇是因为劳动了一整天，要补充体力。但是也有些人认为晚餐应该比早午两餐吃得较少，以免因食物未搭悉数消化就入睡而导致个妨碍消化。

拉古代没充足个户外照明系统个情况下，人们拉晚上通常弗外出，而拉屋里休息，也是“日出而作，日入而息”。但是乃朝则大为弗同，电力照明技术个普遍，再加上夜晚时一般并弗忙碌，让人们通常会拉晚上进行交际活动，夜生活反而比白天个生活更加精彩。

晚上拉中国大约相当拉十二时辰制里个五更，一更为戌时（19:00-21:00）、二更为亥时（21:00-23:00）、三更为子时（23:00-01:00）、四更为丑时（01:00-03:00）、五更为寅时（03:00-05:00）。