春申公园

春申公园勒垃中国上海市闵行区虹梅南路1528弄68号，总面积约莫36公顷，东到老沪闵路，南到春申路，西到虹梅南路高架（也有话西到梅强路个，必过上海城市公园名录高头虹梅南路望西是锦梅公园搭仔梅陇生态公园），北面贴牢外环高速，勒垃环城生态公园带丄。箇公园原本是外环林带，2017年造仔滴翠园，2023年3月份开工进行改造，同年造好开放，2024年进仔上海市城市公园名录，是上海乡土草本植物群落应用关键技术示范地。