新闵线

新闵线，也叫新闵支线，是沪昆线个一条货运支线，主要是闵行开发区各厂个物资运输，搭仔吴泾方向货物个中转，从新桥站，经车墩站（原闵行西站）、闵行站，到上海电机厂，长14.37千米，1959年4月份线路通车个^[1]。

概览

箇条线路是客货两用线路。1961-1984年，开行过上海—闵行重型机器厂职工上下班专列，每個礼拜开两趟单程运输^[2]。後首来还开行过上海客技站—闵行通勤小客车745-748次2对列车，搭仔去金山卫东站个市郊列车。乃朝新桥-车墩区间有金山铁路动车组列车。