新泾区

新泾区是中國上海市一隻撤销脱个市辖区，乃朝是长宁区、普陀區、嘉定區个一部分。

歷史

新泾区勒垃1945年設置个，一开始叫25區。伊辰光，新泾区东到蘇州河、沪杭甬铁路，西到江橋鎮搭仔諸翟，南到虹橋路、青滬公路，北到沪宁铁路。1946年3月份，恢復原真如区（32區），25區个北界往南缩到蘇州河、木渎港、虬江一線。1947年4月份（也有讲1月份），改叫新泾区。伊辰光，面積65.67平方公里，區公所勒垃羽林路。1949年11月份，新涇區拿申紀港東面原先个2個保个土地划畀真如區。1950年3月份，朱家灣劃畀真如區。1950年6月份，蘇州河以北、中山北路以南地區劃畀普陀區，蘇州河以南、天山路以北、古北路以東劃畀長寧區。8月份，申紀港以東个地再劃畀真如區。1956年，新泾区一部分地劃畀長寧區，其他地同龙华区、真如区一道併进西郊区里向，新涇區撤銷。