斗山遗址

斗山遗址是中国江苏省无锡市锡山区锡北镇斗山村西面隻大型史前城池、聚落、墓葬遗址，总面积约莫25万平方米，主要是新石器时代个马家浜文化、崧泽文化，已经发掘仔1.6万平方米。箇遗址是长江下游头一隻马家浜文化辰光个城市遗址，也是乃朝长江下游地区甚至全中国发现个顶早个城市遗址之一，填补长江下游早期文明演进个关键空白。

地理位置、遗址情况

斗山遗址勒垃斗山村西面、斗山南面隻缓坡丄、农田下头。东北面150米有横山，南面是黄泥坝河，附近是水塘，整体北高南低个，面积约25万平方米，当中已发掘面积有得1.6万平方米。文化层主要是新石器时代，特谓是马家浜文化、崧泽文化个辰光个堆积，初步勘探下来，判断文化层堆积厚度平均1.5米，少部分地方接近3米；超声波勘探判断文化层大样模子勒垃地下2米到3米当中，文化层底下是生土层。

墓葬搭仔出土文物

到2025年7月份，遗址里向发掘出墓葬212座、灰坑505隻、灰沟37条、房址8座、柱洞147隻。9月份，遗址发掘出马家浜、崧泽文化辰光个墓葬一拢总194座，当中崧泽文化墓葬超过140座、红烧土堆积咾啥个十多隻，挖出来陶器、石器、玉器、瓷器、铜器咾啥个文物近1800件，有得玉钺、玉璜、石钺、石锛、陶鼎、陶豆、陶杯、陶大口缸咾啥个崧泽文化中晚期个器具。里向还发现毛坯、纺轮搭仔伊个半成品。

部分出土崧泽文化墓葬为高等级墓葬，其随葬品超过20件。部分墓葬的墓口尺寸已经超过包括东山村遗址崧泽大墓在内的太湖附近崧泽文化墓葬的墓口尺寸。

古城遗址

遗址还发掘出马家浜文化的古城遗址。城池依托东北角的塔山建造，被认为经过规划、设计。通过遗址西北侧的考古发掘成果及四周的探沟判断，城池应有内外城墙及壕沟三道。内墙及其外侧壕沟大致呈圆角方形、闭合完整；外墙及其外壕仅发现于遗址北侧，南侧城墙及壕沟可能已在历史变迁中被新河道及新建筑破坏；外墙还有内壕。内城面积测得约有7.5万平方米，外城面积经估算得约有12.5万平方米。

遗址西北面，现在河浜南边壗丄，有内墙、外墙、壕沟，内墙高1米多、保存唻蛮好个。塔山东、西面望外头修个北墙，墙体大部分是较纯净个黄土修个，部分用大型石块加固个。壕沟里向出土有夹砂红陶陶器（主要是釜、鼎、豆咾啥个），有典型个马家浜文化特征。对壕沟里向挖出来个木炭、植物种子咾啥进行碳-14测年法测定，城址年代到现在差弗多6000年。

江苏省文物考古研究院学者葛昕炜认为，古城个发现填补长江下游早期文明演进个关键空白，证明伊辰光马家浜文化正勒垃进入古国时代。

发掘经过

2023年，无锡市文物考古研究所勒垃新锡快速路（锡虞路—江阴界）工程项目前个隻考古调查里向发现斗山遗址。後首来，无锡当地对遗址进行初步勘探、文物现场采集，判断斗山遗址是马家浜文化到商周辰光个区域中心遗址。

2024年4月份开始，无锡市文物考古研究所联合某无锡公司，用相控阵声波成像技术勘探出遗址地界，确认遗迹大样模子个情况、文化层厚度咾啥个。同年7月份，经国家文物局批准，江苏省文物考古研究院牵头，中国社会科学院考古研究所、国家文物局考古研究中心、上海博物馆、南京大学、无锡市文物考古研究所咾啥个单位组成联合考古队，展开抢救性考古发掘行动，考古队总领队是江苏省文物考古研究院副院长周润垦、现场负责人是葛昕炜。第二年1月份，开始考古挖掘，到7月份已经发出约莫1.5万平方米，摆仔毛160隻探方、7条探沟，发掘出新石器时代城址、墓葬，商、周、唐、宋、明、清咾啥个多辰光个遗迹。

2025年9月7号，斗山遗址考古现场专家论证会勒垃无锡召开，陈星灿、栾丰实、袁广阔等16名专家学者认定箇遗址有得重要意义搭仔价值。同年9月25号，江苏省文物考古研究院公开考古发掘成果。

参见

• 良渚遗址
• 城头山遗址