摇摇车

一辆拍摄于拉西班牙马贝拉市个巴士型摇摇车。

一辆火车型摇摇车

摇摇车（英语：kiddie ride）是一种供儿童短时间乘坐个投币式电动摇摆设备，常见拉商场、超市、酒店等休闲场所。同大型游乐设施比，伊个动作幅度搭速度侪较缓和，外形多仿照汽车、火车、动物或者卡通人物。大多数摇摇车有音乐搭灯光效果，好调节音量；厾仔钞票启动仔么，座椅慢慢交上下或左右摇动，畀儿童几分钟个娱乐体验。近年來，一些摇摇车新增加扫码支付、互动屏幕，形成用户扫码启动、运营方后台管理个新经营模式。

历史

投币式摇摇车诞生来20世纪初。1930年，美国发明家詹姆斯·奥托·哈斯（James Otto Hahs）为自家孩子设计第一台“机械马”摇摇车，并进行商业化推广。箇种设备很快拉美国流行，1953年《Billboard》杂志话摇摇车是当年增长最快个行业。早期摇摇车主要是木头或者铝做个马，慢慢交改用玻璃纤维搭塑料。

现代意义上个摇摇车来20世纪末从台湾传进中国大陆。1982年迪士尼推出动漫联名款摇摇车，让箇种儿童娱乐设施拉内地商场搭街头迅速普及。2017年后首出现所谓“共享摇摇车”个经营模式：用户通过扫描二维码启动设备，运营商通过后台系统监控设备状态并拉屏幕上投放广告。

音乐

早期个摇摇车一般没配乐，车辆造型个机型可能只发出模拟发动机个声响。随着技术进步，有些机型内置简单个集成电路，循环播放段旋律或者童谣；更加先进个机型有得磁带机或者赛过MP3播放器个数字音频装置，好放多首歌，还好调内容。大多数摇摇车个配乐是儿歌搭授权角色个主题曲，也有少数放流行音乐或者自定义个音源。为仔延长乘坐者个兴趣，有个摇摇车每次启动辰光旋律会得随机调。有些摇摇车弗播放音乐，而是讲简短故事。

现代摇摇车及其安全措施

近几年个摇摇车拉安全性搭操作方式上比早期产品更加先进。厾角子或者扫码后，设备通常要求乘坐者或者陪同个大人按下启动按钮，以便乘坐者拉启动前坐稳。部分机型拉启动前会播放提示语，结束辰光也会播放提示音，告知乘坐已经结束。

为仔保障儿童个安全，箇类设备常常配备以下功能：

• 停止或者暂停按钮，便于乘坐者重新调整坐姿，必要辰光可安全离开；
• 障碍物传感器，用来检测座舱周围有无物体阻碍运转，必要辰光自动停止；
• 载重传感器，当超出设计重量辰光自动停机；
• 缓慢个起停动作，以免惊吓年龄较小个儿童。

拉吸引注意方面，现代摇摇车常结合闪光灯效、音乐、语音故事，甚至内置小型显示屏，提供简单个互动动画或者广告内容。而有些老旧或者成本较低个设备仍旧缺乏箇些功能。

受欢迎个原因

摇摇车个轻轻摇动可能正好让小毛头心率下降、情绪安稳，同安全感相关。摇摇车个灯光搭音乐是多感官刺激，会得增强儿童个注意力搭参与意愿。

常见主题

投币骑马式摇摇车

摇摇车个造型多样，常见主题包括汽车、卡车、巴士、火车、飞机、摩托车等各类交通工具，也有马、兔子、海豚、恐龙等动物形象，或者以卡通角色为主题个造型。配以鲜艳个颜色搭装饰，箇些造型有助于吸引幼龄儿童个注意。

摇摇车个类型

轨道型摇摇车

箇类摇摇车通常采用小型火车等轨道车辆个形式，可容纳两三名儿童；较大个版本则适合年纪稍大个儿童。常见造型除了火车，也有以马、青蛙等动物为主题个轨道型游乐设施。

微型摩天轮摇摇车

箇种设备配有安全座椅，大多数为带安全带个椅子，也有仿照车辆或者动物个座舱。微型摩天轮以中速顺时针或者逆时针旋转，儿童通常面向前坐着。

小转马摇摇车

孩子们拉 Herschell Carrousel 工厂博物馆玩赛车游戏

迷你转马是常见个摇摇车类型，通常设有收费装置。个别获授权个型号会以动画角色为主题，例如托马斯小火车旋转木马，但箇类授权机型并不常见。

液压型摇摇车

液压型摇摇车安装拉液压臂上，启动后可进行升降。乘坐者可以通过上/下按钮或者操纵杆控制高度，获得类似飞行个体验。

经典摇摆型摇摇车

一台典型个投币式摇摇马。

经典摇摆型是最普遍个摇摇车，外形通常模仿动物或者交通工具，启动后上下或者左右摇动，有些甚至会滑动。电机通常隐藏拉底座内。知名例子包括仿真马“Pony Express”以及 Amutec 搭 ICE 等公司推出个小型儿童过山车。。

一辆直升机摇摇车

自由活动型摇摇车

箇种摇摇车常以动物或者车辆为造型，可以自由移动，拉亚洲尤其是中国较为常见。付钞票仔么好随时乘坐，弗同于游乐场中个碰碰车，箇类设备使用电池供电，无需依靠架空电网。

跷跷板摇摇车

箇类设备模仿跷跷板，通常仅供一人使用，另一端装饰有卡通人物，通过上下摆动形成互动。

混合型视频游戏摇摇车

混合型设备将摇摇车同街机视频游戏结合，配有显示器搭按钮。当屏幕上个动画进行辰光，设备会随之启动或者停止，乘坐者可以通过按钮同游戏互动。箇类设备弗同于模拟器，其游戏时间一般预设，弗会因玩家操作而延长。

带版权角色个摇摇车

拉一些较大个购物中心，可以看到以电影或者动画人物为主题个摇摇车。箇类设备因为需支付角色授权费用以及音乐、音效个版税，成本远高于普通摇摇车，例如蝙蝠车主题个摇摇车等。

由于皮卡丘、米老鼠、奥特曼等知名动漫形象个版权邪气贵，一些商家使用未经许可个仿制品，箇些仿制摇摇车拉街头巷尾三天两头碰着个。报道指出，许多山寨摇摇车模仿皮卡丘、哆啦A梦、奥特曼、米老鼠、Hello Kitty、喜羊羊等卡通形象，有个甚至拿不同人物拼接改名来规避版权保护。拉中国，官方授权个动漫形象版权金有得几千万，小型商业活动承担弗了。拉重视知识产权个地区，经营未经授权个仿制摇摇车可能会得有法律风险。

摇摇车搭个人使用

大多数摇摇车用于商用，但也有个人用户出于怀旧或者收藏目的购买摇摇车。美国厂商Kiddie Rides USA指出，摇摇车除脱畀儿童提供短暂娱乐，也是一些成年人眼中个怀旧文化标志，有收藏者购买特定主题个摇摇车作为装饰或者纪念。

有心理学研究指出，部分自闭症成年者具有高度集中个“特殊兴趣”，而注意缺陷多动障碍患者则可能经历持续数小时个“超专注”状态，箇些兴趣搭专注不仅畀渠拉情绪调节搭快乐，也会让渠偏好特定对象或者活动。因此，也有学者指出，一些神经多样群体可能将儿童游乐设施视作兴趣主题个一部分，为仔收藏或者嗜好而购买或反复使用摇摇车。这类特殊兴趣个动机与成年自闭症者个主观幸福感呈正相关。。

健康影响

有些健康科普资料指出，摇摆运动是一种前庭刺激。职业治疗师强调，适度个前庭活动（譬如滑梯、摇摆器）有助于发展儿童个协调搭运动计划，并能使神经系统保持兴奋或者镇静，促进学习搭社交互动。箇类活动还被认为能改善平衡、注意力搭执行任务个能力。

然而，过强个声音搭过大个摇摆幅度则可能对神经系统产生不利影响。湖北省卫生健康委员会个科普文章指出，许多摇摇车拉嘈杂环境中播放音乐，伊个声音常常超过80分贝，有些甚至超过100分贝。倘若儿童长时间处于箇种高噪音环境里向，可能出现头昏、耳鸣、情绪紧张、乏力搭记忆力减退，严重个甚至导致听力下降。文中建议，家长应选择相对安静个场所，调低音量，并控制使用时间勒一小时以内。

有些医学搭设计研究指出，自闭症及注意缺陷多动障碍群体往往存在视觉、听觉搭前庭系统个超敏或者迟钝反应，箇些感官差异可影响渠拉公共空间个体验搭心理健康。明亮个灯光、重复个音乐搭摇摆运动等刺激可能使渠拉感到不适或者焦虑，箇意味平常个摇摇车环境对于某些神经多样人士并弗友好。相关研究还建议，拉主题公园或者商场为神经多样人群设置安静休息区搭感官适配设施，以减少噪音搭灯光干扰，从而畀自闭症搭ADHD患者安全、舒适个用摇摇车等儿童娱乐设备。

外部链接

维基共享资源里向寻得着搭该篇文章搭界个多媒体资源：

摇摇车

• 《美国儿童游乐设施个兴衰》——杰克·斯韦林根，《大西洋》，2014年12月。