拉布市场

拉布市场（马来语：Pekan Rabu）^[1]是马来西亚吉打州亚罗士打市里向一栋老有名气个广场。「拉布」勒马来话里向就是礼拜三意思，所以也叫「礼拜三市场」，1975年成立个。1978年2月25号，当时个马来西亚副总理马哈蒂尔·穆罕默德亲自跑来帮拉布市场开幕^[2]。箇隻市场以卖衣裳、首饰搭地道小吃出名，是游客必到个打卡点。马哈蒂尔勒从政辰光花仔大力气发展箇隻市集，拿伊做成亚罗士打个地标性建筑^[3]。

到仔1996年，拉布市场大厦接受政府600万令吉箇补助，进行第二轮个扩建工程。到仔今朝，拉布市场市集已经成为吉打州购物嘉年华会个重点区域，也是国内外游客到吉打州来个辰光必去个地方。