抱川民宅误炸事故

 除特別註明外，箇隻页面、条目或章節个辰光侪以韩国标准辰光（UTC+09:00）為準。

闭路电视记录下来个爆炸个辰光

2025年3月6号，两架韩国空军KF-16戰鬥機勒垃韩美联合实弹军事演习个辰光，勒垃韩国京畿道抱川市一隻居民区附近弗当心拿8枚Mark 82炸彈厾下去哉，轰炸脱附近一隻居民区，造成38人受伤。

经过

箇趟误炸个操作发生勒当地辰光10点04分。韩国军方表示，一名KF-16飞行员输错脱坐标哉，导致伊向居民区厾Mark 82炸弹。後头个第二架战机也跟咾厾炸弹，加勒一道总共厾仔8枚Mark 82炸弹。

据报道，箇趟事体导致38人受伤，当中2人伤势严重。163座建筑、一座教堂、三部车子严重坏脱。163座建筑、一座教堂和三辆车严重受损。

箇趟实弹演习勒垃承进科技训练中心举行，约莫500名士兵、150多件军事装备参演，是畀3月10号开始个年度“自由护盾”（Freedom Shield）联合军事演习做准备个。

事后

事故发生以后，当地居民畀政府疏散脱，拆弹小组进场搜寻还呒没炸个炸弹。韩国军方表示，爆炸发生以后，实弹演习已经暂停哉。韩国空军表示道歉，表示会得对受害者进行赔偿个。有得19名平民、14名軍人受伤，当中2人伤势严重，造成163棟房子坏脱，当中1棟嚴重坏脱。有22人临时住勒附近其他房子里向。

3月10号，韩国空军表示，事故是飞行员输错脱轰炸目标个坐标导致个。3月11号，韩国空军表示一名上校外加一名中校因为玩忽职守、监管不力，已经畀军方开除脱哉。3月13号，韩国国防部对事体相关个两名飞行员提起公诉。