戴山塔
| 戴山塔 | |
|---|---|
 | |
| 湖州市文物保护单位 | |
| 所在 | 戴山镇戴山山顶 |
| 分类 | 古建筑 |
| 时代 | 明 |
| 登录 | 1998年3月份 |
|
| |
戴山塔，勒垃浙江省湖州市吴兴区戴山山顶，是座古塔[1]，乃朝是湖州市文物保护单位。[2]
历史
[编辑]戴山，也叫九龙山，勒垃湖州市区东北面，叫箇名字是因为老底子戴逵住勒箇地方。[3]
戴山塔弗晓得啥辰光造个。元末明初诗人张羽勒垃诗里向话过戴山丄隻“浮屠”，按照明史里向写个张羽搬去戴山个辰光，好判断出戴山塔造个辰光顶晏是张羽离开吴兴个年份——洪武四年（1371年）。[4]
根据戴山村西洋柳成林勒垃1937年拍个张戴山塔全景照片，好看到伊辰光塔还有五层，塔身保持唻还蛮好个。[5]1964年，戴山當地一村民吃饱老酒仔么𨂝到塔頂，一家头拆拖半层塔。1969年，戴山人民公社爲仔造醫院，直接拿一層半个砖扒下来，後首来畀吳興縣革命委員會領導喊停，古塔才活到现在。[5]
1998年，戴山塔成为湖州市文物保护单位。[2]2009年，湖州市文物局安排专项资金畀湖州个几座塔去加固维修，[6]故咾当地村民要求拿戴山塔修成老底子个样子。[7]2012年，戴山塔修缮工程重开，2013年1月30号，戴山塔顺利通过验收，塔恢复老底子八面五级砖壁木檐楼阁式砖塔个样式。[2][7]
戴山脚底下老早有得金佛寺、明义庵，乃朝拆呒没了，戴山塔边浪新修仔座九龙观。[3]
建筑
[编辑]现在已经完全弗晓得戴山塔老底子有得几层楼哉，参考同时代本地个古塔，毛估估伊应该有得七层楼。文化大革命破坏前，塔有五层楼呒没顶，大家叫伊“戴山烟囱”。破坏仔么挺下来三层楼，老底子第四层楼个平座底下留有部分砌体。残体高12-13米。[4]
相册
[编辑]-
戴山塔 -
文保碑 -
戴山塔里向 -
从戴山塔俯瞰
参考
[编辑]- ↑ （2005）经远堂 编：记忆湖州 ．上海：上海社会科学院出版社．ISBN 7-80681-612-7．
- ↑ 2.0 2.1 2.2 走读吴兴|戴塔望湖 (zh). 湖州市吴兴区图书馆 (2021-09-16).
- ↑ 3.0 3.1 徐世尧（2019）．“戴山与戴山塔、戴山庙会”，乡的愁 ．广州：中山大学出版社．ISBN 978-7-306-06565-0．
- ↑ 4.0 4.1 （2010）“戴山塔”，沈丹芬 编：八里店人文 ．八里店镇人民政府．
- ↑ 5.0 5.1 戴山村村民委员会（2009）．“历尽沧桑戴山塔”，沈鑫元 编：苕上八韵 ，先锋文丛．北京：大众文艺出版社．ISBN 978-7-80240-507-3．
- ↑ 戴山塔维修后记（上） (zh) (2020-08-21).
- ↑ 7.0 7.1 戴山塔维修后记（下） (zh) (2020-08-31).