愛山街道

愛山街道
—  街道  —
愛山街道愛山廣場个湖穎橋雕塑 愛山街道愛山廣場个湖穎橋雕塑
省	浙江省
市	湖州市
区	吴兴区

愛山街道，是浙江湖州城裏向个一隻街道，屬於湖州市吳興區。街道駐地拉紅旗路436-444號。

地理

愛山街道有起拉湖州城中心，東面到人民路搭飛英街道搭界，南面到城西市河搭月河街道搭朝陽街道搭界，西面到横渚塘港搭康山街道搭界，北面到環城河（龍溪港）搭鳳凰街道隔條河港。面积3.2平方公里。

歷史

“愛山”隻詞出自蘇軾“我從山水窟中來，尚愛此山看不足”个詩句。

民國元年（1912年），屬吳興城搭西北鄉小部分。民國十八年（1929年）改村里制，屬於吳興縣第十區，設有志成、彩鳳、苕梁、右營、院前、公安、奉勝、倉石八里。民國廿年（1931年），里改鎮。民國廿四年（1935），撤併鄉鎮，設愛山鎮，屬吳興縣第一督導區。民國三十五年（1946年）屬程安鎮。民國三十七年（1948年）11月份，撤銷程安鎮，重番是愛山鎮。1949年5月份，屬湖州市愛山區；10月，愛山區撤銷。1951年5月份，建制湖州市第三鎮。1955年5月份，改成街道。1970年9月份，名字改成紅旗街道；1971年4月，重番叫第三街道；1981年10月，改名愛山街道。

1990年个辰光，有15個居民区搭红丰行政村，7343户、24466個人。2001年，调整规模，本來飞英街道个友谊、利民、安定书院3個社区划進愛山街道。到2005年底，有上下塘、红丰西村、右营基、狮子巷、虹门口、衣裳街、安定书院、友谊、利民介9個社区居委会，总住户7824户，总人口23312人。

文化

街道裏向有鐵佛寺咾，錢業會館咾，鈕氏狀元廳咾刮歷史古蹟。

行政区划

安定书院社区、红丰西塘社区、衣裳街社区、狮子巷社区、利民社区、龙庭社区