徐霞客故居

出自维基百科,自由个百科全书

徐霞客是中国明朝辰光个杰出个地理学家,探险旅行家搭仔游记文学家。也是世界历史文化名人,旅游先驱。

徐霞客故居座落勒好江阴市马镇南阳岐村,北许援开江阴长江公路大桥35公里,南许离无锡15公里、东靠沪宁高速公路搭仔锡澄高速公路。

徐霞客故居呢由故居、胜水桥、晴山堂石刻、徐霞客墓搭仔仰圣园等等组成。故居是明式建筑,门庭浪有陆定一题写个“徐霞客故居”匾额,展厅里向展出个有徐霞客传略,旅行路线图搭仔渠科学探索过程当中跑过个宕许个图片资料,岩溶标本等等,勒天井个右许还有渠自家亲手移植个罗汉松、到今朝已经有仔400来年历史哉。

晴山堂石刻集中着勒勒明朝洪武三年一脚到崇祯五年前后262年当中,84位名人名家为徐家撰写个墓志铭,传、序、记等等夯白郎当90篇,计76块石刻,是明朝书法艺术个缩影,相当宝贵。勒勒文革破四旧当中,当地人冒险拿渠答囥出来,再免于灭顶之灾。

徐霞客个坟勒勒晴山堂后头个院子里向,坟前头有徐霞客个塑像,塑像两旁边原中国国家主席李先念个题词搭仔原交通部副部长潘琪撰写个碑文立勒个答,整个墓陵肃穆幽静。

仰圣园呢是得家乡人民为仔表达渠答对“旷世游圣”徐霞客个敬仰搭仔纪念,勒2001年辰光造成个以徐霞客游记碑廊为主体个江南园林。该园勒勒故居搭仔晴山堂个当中心里,占地20亩田,内涵丰富、品味高雅。