徐汇新村

徐汇新村，是中华人民共和国上海市徐汇区徐家汇街道漕溪北路边丄个一批高层居民楼个统称，1975年6月20号动工修个，1976年12月份修好个，拢总有9栋南北向个，沿咾漕溪北路个高层居民楼组成，当中北部是3幢16层楼（1994年加到17层楼）个居民楼，南部有6幢13层楼（1994年加到14层楼）个居民楼，总建筑面积共计7万多平方米，是上海市头一批高层居民楼^[1]。徐汇新村曾勒垃1994年、2007年进行两趟较大规模个整修。2015年，徐汇新村作为上海建设较早个高层小区，进仔第五批上海市优秀历史建筑。