徐家汇书院
徐家汇书院（英语：ZIKAWEI LIBRARY）是中华人民共和国上海市徐汇区个一座图书馆，乃朝是徐汇区图书馆，帮徐家汇藏书楼、上海市徐汇中学、徐家汇圣母院旧址一道是徐家汇源个一部分。[1]伊个英文並呒没用汉语拼音标注。[2]
位置
[编辑]徐家汇书院勒垃漕溪北路158号，西北面是徐家汇天主堂，西面徐家汇观象台[1]，下头是徐家汇站。[3]
历史
[编辑]当地顶早是徐家汇观象台勒垃1872年头浪造个栋二层楼洋房，1901年气象台搬脱仔么，先後是震旦大学、徐汇师范学校、类思小学咾啥教育机构个楼，门牌号是“蒲西路221号”；後首来小学搬脱，大楼改成功西区汽车站办公楼、候车室、车场。1990年代，因为修地铁拆脱变成块广场。2006到2013年，徐汇区档案馆也勒垃箇地方造仔栋楼，勒垃楼里向做生活，用个是“漕溪北路100号”门牌，後来拆脱哉[4]。2021年，徐汇区委决定拿漕溪北路158号、徐家汇源核心地块畀徐汇区图书馆开新馆[5]。徐家汇书院开张仔么，徐汇区图书馆搬进去。[1]2023年5月5号开始，每個礼拜五、礼拜六，徐家汇书院侪延时开放。[6]2023年9月16号，勒垃地底下头开了隻口，好直接通到地铁徐家汇站3号口[7]
建筑
[编辑]徐家汇书院总面积18650平方米，地上三层、地下两层，外里面是奇普菲尔德事务所设计个，浅灰颜色个。建筑丄个「徐家汇书院」五個大字是从徐光启个手迹里向挖出来个[8]。里向是建筑师俞挺团队设计个，有得近800隻凳[9]。一楼东西两面是咖啡馆、儿童区，二楼东西两边、三楼西面是阅览区、自习区，三楼东面是展览区。徐家汇书院里向摆有徐光启主持测绘个《赤道南北两总星图》高清电子素材。[1]
参考数据
[编辑]- ↑ 1.0 1.1 1.2 1.3 探访大热文化地标徐家汇书院，看图书馆如何激活核心商圈. 第一财经_专业创造价值 (2023-02-07).
- ↑ 徐家汇书院译名“ZIKAWEI”遭质疑，专家怎么看？后续要改吗？_上海_方言_徐汇区 (zh). 搜狐 (2023-04-14).
- ↑ 徐汇区图书馆周五以“徐家汇书院”全新IP形象与公众见面-新华网 (zh). 新华网上海频道.
- ↑ 赵基 (2023-02-10). "爆火的“徐家汇书院”，前世曾是……". 上观新闻.
- ↑ 李佳蔚; 骆新星 (2023-08-09). "市中心黄金地段，为何要建一座高颜值图书馆？". 澎湃新闻.
- ↑ 徐家汇书院5月5日起每逢周五、周六将延时开放 (zh). 东方新闻 (2023-05-04).
- ↑ 地铁直通！时间调整！徐家汇书院，你“变了”！. 上海徐汇 (2023-09-20).
- ↑ 新年首日，徐家汇书院正式亮相！十年磨一剑，打造海派文化新地标 (zh). 上海频道--人民网_网上的人民日报 (2023-01-02).
- ↑ 上海徐家汇书院向公众开放-新华网 (zh). 新华网_让新闻离你更近 (2023-01-04).