跳转到内容

徐光启墓

出自维基百科,自由个百科全书

徐光启墓是明末大臣、学者、天主教教友领袖徐光启(1562年4月24号-1633年11月10号)搭伊部分亲属个墓地,垃拉中国上海徐家汇光启公园北侧,占地3,000平方米,高2.2米,为椭圆形大墓。

崇祯七年(1634年)以一品官规格赐域赐葬,派专使护灵柩归葬上海;崇祯十四年(1641年)葬拉松江府上海县高昌乡二十八保六图西南角落头。光绪二十九年(1903年),伊畀天主教江南代牧区重修扩建。后些来一度畀荒废脱,变成功菜地;1957年个辰光重建过一埭。“文化大革命”个辰光,畀改造成露天仓库,后些来畀严重毁坏脱;1983年再次重修,2003年根据1903年个墓制又重修一埭。