北郊站
（从彭浦站转戳到箇里）
北郊站是中国铁路上海局集团直属个货运特等站，勒垃上海市区北面个彭浦工业区，是上海市北部地区主要货运站。
概况
[编辑]
北郊站是全中国铁路顶大个零担货运站之一，2001年个辰光年到发量约莫620万吨[1][2]。北郊站办理整车、集装箱，专用线整车发到业务，主要办理發到个集装箱、文教类、化工类、钢材类、工机类咾啥个货物。北郊站货场占地32万平方米，有8座仓库，2隻集装箱场地；有1台40吨门吊、2台36吨门吊。车站货场有去中国人民银行上海总部个专用线[3]。
历史
[编辑].png)
北郊站是1959年1月18号个辰光帮南何铁路一道造好个，1月27号交付使用，老底子叫彭浦站[4]。车站有10股道、长7.77公里，主要办理专用线业务。
1973年，上海铁路局规划造上海新客站，想咾拿原先上海东站个货运功能转到彭浦站，再扩建。1978年10月1号，扩建仔个车站正式对外营业，改名北郊站[5][6]。
北郊站原本是上海铁路局个直属车站，2005年5月16号同原杨浦直属站合并[7]，管理南何铁路、北杨铁路丄个北郊、桃浦、张庙、杨行、江湾、何家湾、殷行、杨浦站。2010年，北郊直属站车站整建制畀南翔直属站吃脱[8]。
车站周边
[编辑]参考
[编辑]
- ↑ （2001）中国铁路货运导引 ．北京：中华工商联合出版社，P194．ISBN 7-80100-756-5．
- ↑ 上海铁路志 >> 总述. 上海市地方志. 原始文档勒2017-01-26存档. 访问日脚2019-04-15. “这里有国内客运设施先进的上海站，全国铁路最大的零担货运站之一的北郊站，全国铁路编组站的“排头兵”——南翔站等”
- ↑ 12306货运站点查询 上海铁路局. 原始文档勒2016-11-06存档. 访问日脚2017-10-26.
- ↑ 专业志 >> 上海铁路志 >> 第一篇铁路建设 >> 第四章支线 >> 第一节 南何支线. 上海市地方志办公室. 原始文档勒2016-04-27存档. 访问日脚2019-04-15.
- ↑ 第五节 北郊站. 上海市地方志.[链接坏脱]
- ↑ 上海金融志 >> 第九篇金融管理 >> 第七章国库、国债管理 >>第一节 国库管理. 上海市地方志. 原始文档勒2019-04-15存档. 访问日脚2019-04-15.
- ↑ 上海铁路年鉴编辑部（2007）．上海铁路局年鉴2006 ．上海铁路局年鉴出版社．
- ↑ 上海铁路博物馆 (2017-03-07). "组织老年车迷参观铁路南翔站". 科普云.[链接坏脱]
