张瑄（元朝）
| 张瑄 | |||||
|---|---|---|---|---|---|
| 朝代 | 南宋→元朝 | ||||
| 出身地 | 平江府嘉定县 | ||||
| 出生 | 不詳 | ||||
| 逝世 | 大德七年（1303年） | ||||
| |||||
张瑄（？—1303年），元朝嘉定（难朝上海市）人。张瑄本来是南宋人，搭崇明人朱清一淘卖私盐、当海盗，后首来投降元朝，管理海運，阿末来垃元成宗手裏畀朝廷捉起来杀脱。
生平
[编辑]张瑄是平江嘉定人，小辰光阿爸无得哉，跟牢姆妈讨饭喫，長大以後身坯高大，力道邪氣大，相信喫酒、賭博咾，鄉里个人全拿渠當孛相人看。崇明人朱清賣私鹽，入吳淞江，到新華鎮糴米，碰着张瑄，兩家頭做仔結拜兄弟。有讲法巡鹽官吏拿渠拉捉起來咾，關垃平江軍獄，提刑洪起畏講：“难朝中原大亂，㑚全是健兒，應該爲國家效力，”就拿渠拉放脫哉。朱清、张瑄回去以後，还是老样做子强盗抢物事，县尉司追得紧哉咾，渠拉只好拖家带口趁船逃到胶州，向元朝投降。[1]也有讲法是董文炳勒垃打临安城个辰光，让伊儿子董士选一家头去劝降个。[2]反正投降仔么，忽必烈封朱清、张瑄做管军千户，跟伊拉个小弟也封仔百户咾总把。[1]
大德七年（1303年），元朝朝廷拿朱清搭張瑄捉到大都，朱清自杀，张瑄搭渠拉儿子张文虎，还有朱清拉儿子朱虎棄市。[1]
纪念
[编辑]难朝个高桥镇屯粮巷村，老底子有一隻西宁王庙，1949年以前有迎神赛会，西宁王府旗号、灯笼，全写“张”字。[3][4]文化大革命个辰光改成川沙县聋哑职业学校。[5]
参考文献
[编辑]- ↑ 1.0 1.1 1.2 柯劭忞．“卷一百八十二·列傳第七十九·朱清 張瑄”，《新元史》 ．
- ↑ 宋濂，王祎．“卷一百八十二·列傳第四十三”，《元史》 ．
- ↑ （简体中文）（1988年07月）毛饮石 编：高桥乡志 ，219．
- ↑ 史志办 (2014-04-24). 高桥镇志——正文. 浦东史志. 访问日脚2025-05-02.
- ↑ （简体中文）闫彩（2013年07月）．“上海浦东地区航运信仰初探”，时平 编：中国民间海洋信仰研究 ．北京：海洋出版社，148-149．ISBN 978-7-5027-8612-0．
延伸阅读
[编辑]- 杜慧卿. 元初蒙漢利益之爭－以朱清、張瑄海運際遇為例. 中正歷史學刊. 2020-12, (23): 85–126 （中文（繁體））.
- 植松正. 元代江南の豪民朱清・張瑄について : その誅殺と財産官没をめぐって. 東洋史研究: 46–71. doi:10.14989/152775 （日语）.