开明街

开明街（城隍庙步行街附近）

开明街是浙江宁波一条南北向个城市主干道，北起和义路，经过中山东路、药行街、大沙泥街，到解放南路三角地，全长1548米，药行街望北有得4车道，南面只有得2车道。因为老底子箇面是开明坊、有得过县前河个开明桥，故咾叫箇名字。箇路民国24年（1935年）开始铺柏油，文革辰光曾改名光明街，1981年恢复名字，是宁波老城区主要个商贸集中地。1940年抗日战争个辰光，侵华日军勒垃箇户荡用轰炸机低空飞厾鼠疫杆菌，发动细菌战，也就是开明街鼠疫灾难。