平江小区

平江小区勒垃中华人民共和国上海市普陀区交通西路，对过是新黄浦实验学校，门口是115路（前140路）终点站。

箇头原先是19世纪末江苏吴县人造个平江会馆。20世纪前半，弗少外来做生活个搭仔贫民勒垃箇𡍲搭滚地龙，搭棚户区。1956年，市政部门拿棚户区改造成公房。1958年改名平江新村。1994年1月份，普陀区房产局同新黄浦集团一道改造平江新村。1994年2月27号，平江新村正式动迁。1994年6月22号，平江新村开始改造。1996年3月份开始交房。普陀区房产局同新黄浦集团勒垃平江新村地块新造仔對外出售个30萬平方米房子，佔地9萬平方米，共19幢高层，14栋多层楼房，改名平江小区。