居銮

居銮（马来语：Kluang）是马来西亚柔佛州当中隻闹猛个市镇，居銮县个县府。“居銮”勒马来语里向是蝙蝠个意思，故咾大家也叫伊“蝠城”。居銮正好勒柔佛州中心，靠勒南峇山山脚下头，还有明吉摩河穿过市中心，风景交关好，有“南山銮水”个叫法。

居銮大概是1910年左右开埠个，是铁路开通仔么发展起来个城镇，1915年正式宪告成立，老早还计划过要做柔佛州个行政中心。乃朝个居銮已经发展成隻商业邪气闹猛个城镇，有交关棕油厂开勒搿搭，周围还有大片黄梨田、橡胶园。市里向还有机械搭汽车修理装配厂、橡胶搭木材加工厂、纺织厂、瓷砖制造厂搭仔工艺制作各种各样式个工业设施。再加浪，居銮近几年也勒拼命发展生态旅游，有好几隻大型有机农场。

参考

维基共享资源里向寻得着搭该篇文章搭界个多媒体资源：

居銮