小田切让

小田切让

小田切譲（日文：オダギリ ジョー ^{Odagiri Jō}，1976年2月16号生），日本男演员，生勒冈山县津山市。伊个家主婆是演員香椎由宇。

经历

小田切生勒隻单亲家庭里向。小辰光伊娘经常性拿伊寄放勒電影院里向咾，小田切從小就看電影。伊勒垃冈山县立作阳高等学校毕业以後，考进高知大学理学部，必过还是选择一家头去美国个加利福尼亚州立大学读舞台与艺术系，美国伊面蹲仔两年么休学回到日本。

1999年，伊演出舞台劇《DREAM OF PASSION》出道。第二年，伊參加《假面騎士KUUGA》主角“五代雄介”个試鏡成功。2003年，伊演出黑澤清編導个電影《光明个未来》（日本闲话：アカルイミライ）受到关注，獲得日本电影专业大奖最佳男主角奖。第二年，伊勒垃电影《血与骨》（日本闲话：血と骨）里向演北野武个兒子，獲得多座電影獎个最佳男配角獎。後些来，伊勒垃交关电影里向个表演做功道地，评价邪气高。

虽然伊出演过黃金檔電視劇，小田切还是表示题材合勿合伊胃口再是伊考量啊是要出演个首要因素。

個人生活

2007年12月27号，伊發表搭演員香椎由宇个婚事，两家头生日碰巧是同一天。

2011年2月份，伊帮香椎个头一個兒子生出來哉。

2014年4月份，二兒子出生。

2015年4月份，夫妻两家头通过經紀公司發布聲明，表示二兒子因为絞扼性腸閉塞症開刀，總數裡沒救轉來，箇隻号头已经处理好後事哉。

2016年8月份，三兒子出生。