小南门（上海市）

朝阳门，貤叫小南门，是上海明、清時代一座城門，来勒老城东南面，乃朝黄浦区中华路、董家渡路、黄家路路口一带，帮大南门比叫小南门。

历史

明嘉靖三十二年，为咾防备倭寇入侵，修筑上海城墙，跨龙门是伊个辰光开个6座城门之一。

朝阳门门外董家渡一带通黄浦江码头，历来是上海老城商贸个地方，附近还造有小南门警钟楼。

1912年（民国元年），上海拆城墙，朝阳门畀拆脱，护城河畀填脱，变成中华路，跑有轨电车，小南门变成地名搭电车站名哉。乃朝黄浦区小南门中华路王家码头路路口，有上海轨道交通9号线小南门站，2009年12月31号启用个。