宽容法案

吴语维基百科,自由个百科全书
跳到导航 跳到搜索

宽容法案》(英语:Toleration Act),是一部由英格兰议会制定格,啦浪1689年5月24号获得王室核准格法律文件。欸部由18条条文组成格法案,啦浪蛮大程度浪允许吇宗教自由。除脱吇罗马天主教徒嗒吇无神论者,其他非国教教徒只要同意欸个18条条文或者对国王进行效忠,就可以免受法律处罚。欸部法令啦浪英国持续吇蛮长格辰光。啦浪18世纪晚期哒吇19世纪出现吇一滴滴格小调整,弗过基本浪保持吇原来格样子。

背景[编辑]

1688年,英国爆发光荣革命威廉三世带吇伊格船队登陆英格兰。老百姓经过短暂格犹豫后,陆续加入吇威廉三世格阵营。[1] 英格兰国王詹姆斯二世拒绝召集议会进行和解。同年12月11号,詹姆斯二世从王宫逃吇出去,准备流亡法国。12月22号,詹姆斯二世趁看管格荷兰军队不注意逃脱,从此离开英国。 詹姆斯二世格出逃使得英国进入吇无政府状态。为吇稳定国家秩序,议会啦1969年初召开会议,最终啦2月13号通过《权利法案》,解决吇王位继承问题并且限制吇王权。接下来,议会马上就宗教问题展开吇讨论。 啦浪欸个之前,英国对非国教教徒进行吇严重格打压。根据1164年《克拉伦敦法典》里格迫害性条款,新教徒举行宗教仪式一经发现,就会吧啦捉到监牢里去。欸个法典啦1687年曾经吧詹姆斯二世废除,不过随吇伊格流亡,英格兰老百姓对是否恢复欸个法典持不同态度。1689年5月,一个议会里格托利党代表拟定吇《宽容法案》,由于之前提倡对非国教者宽容格多数是辉格党人,欸份法案吧两党一致接受。[2]

主要内容[编辑]

英格兰非国教教士获得一定格宗教自由,主要包括

  • 免除老早法律曾经实施格处罚 
  • 涉及正啦吧起诉的宗教案件无效 
  • 不再强求去教会 
  • 可以参加非国教徒自家举行格公开集会 
  • 个人财产受保护 
  • 减轻行政处罚 
  • 获得国家格救济 
  • 有权担任部分国家官吏,如警官、教区委员等[3]

意义[编辑]

积极意义[编辑]

《宽容法案》大体浪解决吇英格兰格宗教矛盾,充分体现吇宽容嗒妥协格精神。虽然仍然保留吇国教格主体地位,但是非国教者哈获得吇合法权利。从此以后,非国教者基本浪不再受到迫害。宽容嗒和平格思想逐渐成为主流,有利于解决英国内部格教派争执,同时哈对促进英国格社会稳定产生吇促进作用。[4]

消极意义[编辑]

《宽容法案》勿曾吧罗马天主教徒嗒吇无神论者合法权利。啦浪接下来格一段辰光里,迫害罗马天主教徒嗒无神论者格行动还是时有发生格,不过哈啦浪逐渐减少。此外,宗教浪格宽容引起吇苏格兰嗒吇爱尔兰教会格强烈不满,加深吇英格兰嗒吇伊笃之间格矛盾,欸个直接引发吇接下来几十年格啦苏格兰嗒吇爱尔兰格激烈内战。

发展[编辑]

《宽容法案》自从签署后啦接下来近100年里完全维持吇下来。1772年嗒1774年两度试图吧修改均告失败。1779年啦信仰上作出吇修改,但是财产等方面勿曾作修改。1888年,议会修改吇第5、8、15、18欸格四个条款。 整部《宽容法案》啦1969年《废除法案》里吧废除。

参见[编辑]

参考文献[编辑]

  1. (中文)Richard S. Dumn(2016).现代欧洲史 宗教战争的年代.北京:中信出版集团. 
  2. (中文)George Macaulay Trevelyan(2017).英国革命 1688-1689.北京:商务印书馆.ISBN 978-7-100-12804-9 
  3. (中文)汪旋(2013).英国宗教政策研究,23-25. 
  4. 高全喜. -{R|英国宪制中的妥协原则——以英国宪制史中的“光荣革命”为例}-. 苏州. 2017 (中文).