江山港

江山港，老底子叫大溪、鹿溪、须江，钱塘江上游支流，勒垃浙江衢州，发源地是江山县浙闽边界个龙井口村（海拔1060米），到衢州市区搭常山港合勒一道改叫衢江，全长137.4千米。上游也叫定村溪，长30千米。江山县勒垃古代是水陆转运要口，1933年杭州到江山铁路开通仔么，江山港个商业活动越来越少哉。江山港干流有得白水坑、碗窑两座大型水库，附近还有得江郎山风景区。江山港干流是浙江省省级湿地公园。