安吉上墅私立高级中学

安吉上墅私立高级中学，簡稱上墅私高，是吳越浙江省湖州市安吉縣个一隻私立高中。

歷史

1984年，勒拉安吉上墅中學教書个湯有祥寫仔《關於要求創辦上墅鄉私立學校的報告》，勒安吉縣教育局个支持下，租房子創辦仔60個人个農職班。當年9月20號，正式開學。1985年春天公，湯有祥勒拉自家个自留地上造仔一幢690平方米个教學樓，再加上租來个1440平方米上墅鄉个倉庫搭仔民房，上墅私高正式誕生哉。1995年冬天公，上墅私高從上墅村搬到縣城經濟開發區。

1996年10月份，上墅私高畀國家教委教育信息管理中心編个《中國當代教育教研成果概覽》認定爲中華人民共和國第一隻私立高級中學。

校長

學堂創始人搭仔校長湯有祥，1948年9月份出生，1968年參加工作。1984年創辦上墅私高。1987年8月份，加入中國民主促進會。1990年初，畀民進組織推選爲安吉縣政協委員。2003年1月份，貤畀民進組織推選爲省政協委員，先後擔任第九屆咾第十屆浙江省政協委員。2002年以來當民進中央聯絡委員，2018年6月份聘爲民進中央特邀參政議政信息員。

基本情況

上墅私高勒拉安吉縣昌碩街道雲鴻西路728號。

學堂佔地面積400多畝，學生子6200來個人，教職工400來個人。