宁波轨道交通12号线

宁波轨道交通12号线是中国浙江省宁波市一条市域铁路线路，是宁波轨道交通线网个一部分，标识颜色是蓝青色。暴一开始规划个主线项目从鄞州区个小洋江站出发到象山县个大目湾站，全长61.45千米；另外规划仔咸祥到梅山支线，加勒一淘叫宁波至象山市域铁路，简称宁象线。远期规划里向，有宁波西站到横溪支线搭仔石浦延伸线。宁象线是《长江三角洲地区多层次轨道交通规划》个一部分，先行节点勒垃2022年1月14号开工，2026年9月22号开通运营，另外有大站车跑个。

线路走向

线路主线从小洋江站出发，望南经云龙镇后下穿甬莞高速，再望东到横溪，接下来穿山，经塘溪镇，到咸祥镇。接下来勒垃象山港大桥东面50米个地方新造象山港跨海大桥横跨象山港进象山贤庠镇。接下来再穿山到大徐镇，转到地底下头，勒垃象山城区沿东谷路经过人民广场，再回到高架浪，上跨滨海大道、东大河、天安路到终点大目湾站。