学桥村

学桥村，是老底子吴越上海市浦东新区川沙新镇黄楼社区个一隻行政村。原来个学桥村东到陈家桥，南到八灶港，西到沙涂港，北到新港。

歷史

清末民初个辰光，八灶港丄有过东西、南北向过港桥两座，成45度，像一把老式钥匙咾，畀人叫作“钥匙桥”，后首来因为“钥”搭“学”谐音，变成功“学桥”。

中华人民共和国成立以后，第搭场化从互助组、初级社、高级社到人民公社，全是归金家大队个。1962年，从金家大队划出6隻小队成立学桥大队。1984年改成村制。

2015年，因为上海国际旅游度假区项目建设，学桥村大部分畀伊征地征脱哉，故咾拆大队哉。

第歇上海国际旅游度假区里向个川迪河丄，有四座桥是用动迁个村窠个名头命名个：赵行村桥、学桥村桥、金家村桥、旗杆村桥，纪念本地居民对度假区建设个贡献。

基本情況

2002年，村总面积1.22平方公里，耕地面积66.67公顷，有7隻村民小组，总户数340户，1043个人。