孙吉

孙吉

伊个个人信息
出世个日脚	(1982-01-15) 1982年1月15号
出世个场化	上海
位置	右后卫
青年队
1995-2001年	上海有線02
职业俱乐部*
年份	球队	出场（进球）
2002-2009年 2010-2012年	上海申花 杭州绿城	167 (8) 27 (0)
国家队‡
2007-2008年	中华人民共和国国家足球队	3 (0)
* 职业俱乐部出场次数搭进球数仅计算国内联赛部份 压末更新勒：2010-11-6 ‡ 国家队出场次数搭进球数 压末更新勒：2007-02-23

孙吉（1982年1月15号生），上海人，中國前足球运动員，踢个是右边后卫、右前卫，进过中国国家队。孙吉帮伊阿弟孙祥有隻“吉祥兄弟”个讲法。

生涯

孙吉从上海出名个平凉路四小、杨浦白洋淀足校进仔上海有线02。2002年，俱乐部合并，孙吉来到上海申花，当年联赛就出场27趟，进2隻球，成为主力。

2004年中超，孙吉勒垃第19轮主場踢天津康師傅个比赛里向，上半場进仔兩球，下半場再下一城，是伊头一隻“帽子戲法”。2006年2月份，孙吉打进全场唯一进球帮助球队获得沪港杯。。

2006年10月份，孙吉帮孫祥得到荷甲埃因霍温个邀请去试训，阿末孙吉试训结束仔么有过澳大利亚球队去邀请伊。

國家隊方面，孙吉2004年勒垃國家隊「西班牙之旅」友誼賽里向头一趟登场，必过进国家队机会少得唻。

2010年初，孙祥咾阿哥孙吉寻申花讨薪。同年2月12号，孙吉从效力八年个上海申花转会到刚刚降级到中甲联赛个杭州绿城，必过因为成都、广州勒垃反赌事件里向畀足协罚降级，绿城重新回到中超。