孔雪雄

孔雪雄（1899年—1946年），吳越蕭山縣臨浦鎮峙後孔村人，中國國民黨黨員。

生平

孔雪雄是紹興府蕭山縣峙後孔村（今杭州市蕭山區臨浦鎮自由孔社区）人。1899年出生，也有講法是1897年。

孔雪雄是浙江第一師範學校畢業生，後末來參加社會主義青年團，還來夯沈定一个衙前農村小學敎書。渠來夯當地敲菩薩、毀祠堂、興學堂，要則村裏向个孔氏祠堂“文在堂”敲壞，畀蔡東藩牢哋（不過箇隻祠堂後來來夯文化大革命个辰光還是畀人家敲壞哋）。渠還建議則“峙後孔”个村名改成了“自由孔”，箇個名字一直用到箇卯。

1924年，沈定一介紹孔雪雄加入國民黨，4月13號，國民黨衙前區分部成立，孔雪雄當委員；5月18日，沈定一指導盛練心則孔雪雄成立國民黨蕭山臨時黨支部，孔當了頭一屆蕭山縣黨部執委。1928年，孔雪雄到日本帝國大學學農業經濟，回來之後做農村建設調查，寫了本《中國今日之農村運動》。抗日戰爭个辰光，孔跟牢國民政府到重慶去，當中國、中央、交通、農業四家銀行个聯合辦事處專員，還兼任中國文化服務社副社長。抗戰勝利之後，做過上海區敵偽產業處理局專員。

渠是1946年生癌死壞个。