如松村
| 如松村 | |
|---|---|
| — 行政村 — | |
| 省 | 浙江 |
| 市 | 杭州 |
| 區 | 蕭山 |
| 鎮 | 瓜沥 |
历史
[编辑]清朝咸丰手里村里向有一隻如松庵，介咾呌箇個名字。[1][2]
1949年5月之后归团结乡十村，合作化个辰光建立先锋、努力农业社，公社化之后是红星大队，1981年是如松大队，1984年设立昭东乡如松村，1992年归瓜沥镇昭东办事处，1997年开始直接归瓜沥镇管。[1][2]
基本情况
[编辑]如松村来夯瓜沥镇顶南面，则绍兴钱清街道搭界，面积1.2平方公里，到杭州市区大概42公里，到萧山城区18公里。东面则钱清街道华星村搭界，北面则瓜沥镇大义村搭界，西面、南面分别则钱清新甸村咾顾家荡村搭界。杭甬运河东西方向穿过村堂。村里向箇卯有耕地总面积838亩，裏向围垦土地203亩，有2隻自然村，10隻村民小组，总户数329户，总人口1212個人，裏向农业人口957個人。[3]
自然村
[编辑]根据2013年《杭州市地名志 上》还有2014年《杭州市萧山区地名志》，如松村下底有十二隻自然村：[1][2]
- 前史，来夯村西北面，别名咸慶，民国《萧山县志稿·疆域·村落》里向有前水村名记载，20世纪30年代归五都廿图。
- 孔家，来夯村南面，传说是南宋手里孔姓从衢州搬到绍兴小赭，清朝咸丰手里有一支搬到丄。民国《萧山县志稿·疆域·村落》有孔家村名记载，20世纪30年代归五都廿图。
- 前史湖北岸：来夯村西北面，前史湖北，2009年命名。
- 前史湖南岸：来夯村西北面，2009年命名。
- 东湖南岸，来夯村东北面，东湖南，2009年命名。
- 淡畈屋：来夯村南面，1949年5月份之后，有一份人家，后歇来发成村堂，叫淡畈屋。2009年命名。
- 三房：来夯村西南面南，原来是孔家第三房蹲个。2009年命名。
- 大六房：来夯村西南面，原来是孔家大房第六房蹲个。2009年命名。
- 横湖南岸：来夯村西南面，横湖南。2009年命名。
- 孔家溇底北：来夯村东南面，孔家溇个北面。2009年命名。
- 孔家溇底南：来夯村东南面，孔家溇个南面。2009年命名。