泰山新村

泰山新村，老底子也叫太山新村，是中华人民共和国上海市普陀区东部宜川路街道个一隻小区，勒垃骊山路以东，沪太路以西，华阴路以南，中山北路以北，占地面积11.5公顷，建筑面积14.8万平方米。太山新村好分出3隻小村，有56幢混凝土结构多层楼房。

历史

清代中期以後，當地是赵家花园南花园一部分。1930年代前后，赵家花园个花农拿赵家花园里向一所私塾改造成花神庙，1953年改成南赵宅小学。中華人民共和國建国以后，从山东泰山附近搬过来个人蛮多个。1958年，當地命名叫泰山宅，有得占地约2.7万平方米个住房。1980年开始，当地畀政府征地征脱，原先个房子拆脱哉，造出泰山新村。