天山新村

天山新村是中華人民共和國上海市長寧區天山路街道个小区，上海头一批工人新村之一，因為勒垃天山路南北两面，故咾叫天山新村。天山新村造好以后，進一步分成天山一村到天山五村。天山新村里向老底子有部分建筑是两万户，侪以及改造哉。部分建筑是煤卫合用，2017年開始改造成煤卫独用。

历史

天山新村原本是農田，有许家屯、高家巷、张家浜、英瑞庙村咾啥个，居民200多户，大多数人是从其他地方搬过来个。

1952年，天山一村開造，1953年造好，伊个辰光是两层楼。一开始住进去个弗少是劳动模范、先进工作者，企事业单位中层领导。1990年代中期，包括二万户个整隻天山一村动迁，原址造出4幢高层楼房，後來天山一村地块变成虹桥南丰城。

1954年，天山二村动工，1955年造好。1990年代，天山二村北块进行改造，三楼以上侪是加出来个。

1956年，天山三村、四村开造。1958年，天山三村、四村竣工。天山三村後來遵义路以东地块改名遵义小区。天山四村後來娄山关路以东地块改名天山小区。

1957年，天山五村开始造，1958年10月1号完工。天山五村一开始勒垃上海县，1984年划畀长宁区。