大连梭鱼湾专业足球场

大连梭鱼湾专业足球场

大连梭鱼湾专业足球场，也叫中升梭鱼湾足球场，是中华人民共和国辽宁省大连市一座专业足球场，勒垃辽宁省大连市甘井子区钻石湾世界滨海公园东面，2020年10月11号开始造个，2023年4月29号正式启用。大连梭鱼湾足球场是大连市第一座国际标准专业足球场，也是中国唯一一座三面环海个足球场。乃歇是大连英博俱乐部个主场。

大连梭鱼湾足球场占地面积约莫26.5公顷，总建筑面积约13.6万平方米，有得6.3万隻座位。场馆个设计灵感是“海浪搭仔海螺”，拿大连个海洋文化、足球精神融勒里向。场馆配套设施包括绕球场一圈有得2.2千米个慢跑坡道、2块天然草足球训练场外加1座附属配套用房。