大越羅平國

吴语维基百科,自由个百科全书
(从大越罗平国转戳到箇里)
跳到导航 跳到搜索

光啟二年(886年),董昌接納部將錢鏐个提議,率主力全軍渡過錢塘江,徹底擊潰劉漢宏,奪得越州,平定浙東,擔杭州搭杭州刺史職位讓撥錢鏐。董昌經常向朝廷大量進貢,故一路撥加封爲檢校太尉、同中書門下平章事等職,進爵隴西郡王。

唐僖宗乾符二年(875年),王郢嘞浙西起兵反唐,董昌組織民團軍抵禦,戰後以功升爲石鏡鎮將,建立起自介个軍隊。乾符六年(879年),率軍抵抗黃巢,保全杭州,撥高駢推薦爲杭州刺史,中和三年(883年),董昌發兵入據杭州,從鎮海軍節度使周寶手中奪得統治權,同浙東觀察使劉漢宏展開對全浙个爭奪。886年,董昌坐大,擊敗脫義勝軍節度使劉漢宏,並攫取其位元,還撥朝廷加封同中書門下平章事,晉爵隴西郡王。893年,董昌向朝廷求封自介爲越王,弗曾忖撥唐昭宗拒絕。

唐昭宗乾寧二年(895年)二月初三,在越州稱帝,國號“大越羅平國”,年號順天,並制詔敕封百官。

董封錢鏐爲兩浙都指揮使,錢反而勸其去帝號,曰:“與其閉門作天子,與九族、百姓俱陷塗炭,豈若開門作節度使”。董弗聽,錢遂起兵討伐之。董求救於楊行密,但錢弗顧蘇州撥攻佔,攻破越州城池。董率軍嘞內城固守,錢遂僞造朝廷詔書,令其投降。董中計投降,後嘞押往杭州途中自殺(貤有得話被殺)。