大汉族主义

吴语维基百科,自由个百科全书
跳到导航 跳到搜索

大汉族主义,又称大汉沙文主义(英语:Han chauvinism)、汉人优越主义搭汉人至上主义,是一种汉民族主义个意识形态,为大民族主义个一种。

皇汉是21世纪开始流行来勒网浪向个一种称呼,具体包括汉民族主义者大汉族主义者中国传统文化爱好者等等。这些人对当前个汉族文化状态表示弗满意,认为需要通过国学复兴,强调汉族个主体民族地位,来让中国称为世界强国。

观点[编辑]

皇汉拥有一套伊拉遵循个价值观念,具体表现为文化保守主义,道德复古主义,汉本位意识、以及国族认同高头。

对江南个态度[编辑]

皇汉当中,有相当一部分人来自现在个吴越文化地区,这些人,认为吴越文化是汉族文化当中重要个组成部分,弗存在啥差别,而且是汉文化个核心。伊拉以明帝国灭脱之后江南地区对满洲帝国个反抗活动,以及大量弗服从满洲帝国个官僚士绅作为楷模,证明伊拉个汉心

来勒对待江南个文化高头,主要分成两派,一帮人认为江南文化受到南面个污染,弗是华夏正统,过于软弱,遵循迭个观点个,大部分是中原等地区个皇汉。同样,伊拉认为吴语也是一种方言,没有保护个必要,国家应该推广普通话,实现大一统。

另一帮人认为江南文化是华夏正统,是老早文化个嫡传。迭帮人大部分是南面,尤其是江南本地个皇汉。伊拉认为本地个方言有保护个必要,主要意义是因为这些方言里向有交关中古汉语个遗留,是汉文化个体现,比北方受到胡人影响个语言更能够代表汉文化。弗过,这些人对江南个本地意识也没多少兴趣,伊拉欢喜拿北方弗认为江南是华夏正统个人群当成胡杂,认为伊拉是受到满洲污染个人。

传播[编辑]

明朝那些事儿》书出现之后,声称欢喜明朝搭汉文化个年轻人开始增多,交关人侪接受皇汉思想个影响。