外咸瓜街

外咸瓜街是来勒中国上海市黄浦区个一条路，北起东门路，南到复兴东路，全长477米。

历史

外咸瓜街个历史好倒退到1913年。箇条路原来是福建人开个咸黄鱼市场，福建人叫咸黄鱼咸瓜个，路西面还有一条更靠近上海老城厢个路就叫里咸瓜街。伊个辰光，来勒上海个泉州、漳州商人来勒外咸瓜街造仔泉漳会馆。弗过，根据黄浦报个讲法，来勒闽南语里向，黄鱼叫呱鱼，晒干做出个黄鱼鲞叫干呱。干呱来勒上海闲话里向演变成咸瓜。上海外国语大学国际教育学院教师郑瑜则认为，来勒箇条街丄卖咸鱼个是浙江宁波人，箇其实是寧波言話。

後来，又有人来勒外咸瓜街做药材、参茸、桐油、柴炭、麻袋业批发零售个生意。中华人民共和国成立以后，外咸瓜街沿街是居民区，靠近东门路箇头是收购批发蔬果个副食品市场。1990年代以后，市场消失哉。