夏國璋

夏國璋

夏國璋（1896年—1937年11月），字超然，廣西省容縣松山鄉沙田村人，中華民國軍人。1937年11月，夏国璋勒浙江吴兴牺牲，畀国民政府追封为中將。

经历

1937年11月份，上海失守，第二十一集团军第七军个 一七〇师搭一七二师畀蒋介石派去阻击勒垃杭州湾北岸登陆个日军，掩护参加淞沪会战个中国军队撤退。伊个辰光夏國璋是第一七〇师副师长兼五二二旅旅长。

11月22号，日军猛攻夏国璋部坚守个昇山（有垃吴兴县城东面）阵地，官兵伤亡惨重，呒起维持本来个阵地哉。夏国璋带剩下来个预备队回占八里店、西山之线，但是留守八里店个连已经畀敌人个迂回部队消灭脱哉，敌人先占领仔八里店，夏旅长就带预备队冲击，勒拉第个地方牺牲哉。根据浙江省公布个《第一批著名抗日烈士和英雄群体名录》，夏国璋是视察敌情个辰光碰着敌人飞机轰炸，中弹牺牲个。

身后

夏国璋搭官兵牺牲以后，当地老百姓搭渠拉个尸首收敛好，统一葬在勒前村南面个港边丄，叫“万骨坟”。1958年，“万骨坟”畀人破坏脱。后首来，当地村民拿夏国璋等将士个骨殖收敛勒一淘，埋勒吴兴区第一中学个墙边丄。