复旦大学附属肿瘤医院
复旦大学附属肿瘤医院，也叫上海市肿瘤医院、上海市红十字肿瘤医院，是中华人民共和国上海市一家专门治疗肿瘤个医院，也是中国第一家肿瘤专科医院。伊个徐汇院区勒垃上海市徐匯区东安路270号，还勒垃浦东新区康新公路4333号[1]帮闵行区瑞丽路106号开有分院。
历史
[编辑]复旦大学附属肿瘤医院1931年成立，是中比（比利时）庚子赔款委员会利用部分庚子赔款造个，伊辰光叫中比镭锭治疗院，地址勒垃宁国路圣心医院里向，中比两国政府共同管理[2]。淞滬抗战个辰光，医院畀日本部队炸脱，搬去祁齐路（乃朝岳阳路），再搬到福开森路（乃朝淮海中路）。1945年国民政府收复上海以後，医院畀上海市卫生局接收。
1949年，中国人民解放军攻佔上海，上海市军管会接管医院，改名上海市镭锭治疗院。1954年，划畀上海第一医学院管理，医院改名上海第一医学院附属肿瘤医院。1960年，地址搬到零陵路399号。1985年5月份，改名上海医科大学附属肿瘤医院，同时成立上海医科大学肿瘤研究所[3]。2000年，上海医科大学帮复旦大学合并，医院改名复旦大学附属肿瘤医院。2005年5月18号，医院加挂上海市红十字肿瘤医院[4]。
乃朝复旦大学附属肿瘤医院是卫健委直属个三级甲等肿瘤专科医院[5]。
参考
[编辑]外部链接
[编辑]
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||