寿梦

寿梦（？－前561年），《世本》浪写作孰姑，《春秋·襄公十二年》浪写俚个名是乘，金文铭文作姑发难寿梦，俚是吴王去齐个倪子。前586年，去齐死脱，俚继承之君位。根据史书个讲法，吴国勒搿年子有之纪年，开始称王。寿梦在位25年（前585年－前561年）。

吴国传到寿梦个辰光，国力开始强大，不但搭中原各国有之交往，而且搭楚国一直打仗。寿梦有四个倪子：诸樊、馀祭、夷昧、季札。寿梦勒死个辰光想传位畀贤德个季札，季札推让弗接受。寿梦就让几个倪子以兄传弟个方式，由长子诸樊开始，依次传畀馀祭、夷昧。

吴王寿梦即位之初，就做好破楚服越争霸中原个打算。搿许辰光，晋国个申公巫臣沈到之吴国，还教吴国人射箭驾车。寿梦开始搭中原交流，国力快速变强。经过十几年，吴国成为之控制今朝江苏、上海、浙江、安徽等地个大国，开始进攻亲楚个小邦巢、徐。

子女

嫡子

1. 诸樊，嫡长子。吴国第20任君主，进攻巢国国都城门个辰光，中箭死脱。
2. 馀祭，嫡次子。吴国第21任君主。
3. 夷昧，嫡三子。吴国第22任君主。
4. 季札。嫡四子。夷昧临死想传位畀公子季札。季札避让，逃脱，僚继位为王。

别样

• 蹶由，馀祭拉兄弟，前537年，楚灵王率军伐吴，馀祭派蹶由出使楚营，楚国大败。楚灵王则带蹶由回国以作为人质，长达15年。前523年，令尹子瑕劝说楚平王放回蹶由。

• 吴王僚，庶长子（《史记》认为是夷昧个儿子。吴国第23任君主，后首畀夷昧儿子公子光个刺客专诸刺杀。

• 掩馀，庶子，吴王僚个兄弟。
• 烛庸，庶子，吴王僚个兄弟。