塞舌尔历史

塞舌尔是印度洋上个一个群岛国家，渠个文字历史可追溯到17世纪。

早期历史

塞舌尔早期个历史并无记载，马来人拉迁居马达加斯加个途中咾可能早在公元前就已发现了塞舌尔。阿拉伯人记载过印度洋上个交关多岛屿，拉一份851年个手稿中，提到过拉马尔代夫以南有一些小岛，据推测可能就指今朝个塞舌尔，但是阿拉伯人并没拉此地定居。

1502年，塞舌尔出现拉瓦斯科·达伽马个海图上，被叫作“七姐妹岛”。1608年，一艘英国东印度公司个商船拉印度洋上遇险，次年漂流到塞舌尔个某个岛屿后幸运获救，但是英国人并未立即采取行动占领该岛。17世纪之后，一些海盗占据了马达加斯加个某些港口作为基地，拉北上红海等地劫掠个途中，塞舌尔可能是渠拉个补给点之一。

法国统治

1742年，法国法兰西岛总督贝特朗-弗朗索瓦·马埃·德·拉布尔多内（Bertrand-François Mahé de La Bourdonnais）派遣拉札·皮卡特去调查传说存在于马达加斯加东北个箇些岛屿，以希望找到一条通往印度个捷径。同年11月21号，皮卡特发现了马埃岛，以总督个名字命名，并拉岛上登陆。皮卡特拉1744年再次对该岛进行了考察，但是由于布尔德奈拉1746年去职，法国一辰光也没进一步个行动。

1756年11月1号，为对抗英国拉印度洋上个势力，正在搭英国交战个法国终于派出一支舰队去宣示对马埃岛个主权。当时个总督Corneille Nicholas Morphey拿该群岛命名为塞舌尔群岛，以纪念路易十五个财政大臣让·门罗·戴·塞舌尔（Jean Moreau de Séchelles）。塞舌尔遂正式成为法国东印度公司属地。

七年战争结束后，塞舌尔随毛里求斯一同成为法国国王直属领地。1768年，法国控制了整个群岛。1770年8月12号，法国人开始对该群岛进行殖民，并拉今朝维多利亚个所在地建了一座城堡以保护箇块殖民地。

自治和英国统治

法国大革命开始后，塞舌尔个殖民者决定自行管理箇块殖民地，并且无视废除奴隶个法令。1794年，一支英国舰队抵达塞舌尔，塞舌尔拉保证渠个荣誉搭财产弗受侵犯个前提下，宣布投降。英国人并未占领该群岛，而是让该群岛继续自治。1810年年底，毛里求斯被英国占领，英国人同意塞舌尔拉遵守毛里求斯投降协定个基础上继续保持自治。后头，英国派遣个军事搭民事长官搭塞舌尔当地个法国贵族间长期处于暗斗状态，直到1835年英国正式废除奴隶制。一些庄园主认为没奴隶无法维持生产，所以离开了塞舌尔。而自由个奴隶们并没自家个土地，也缺乏劳动个技能搭意愿，导致该群岛个经济出现了停滞。

弗久，当椰子种植业发达起来后，情况发生了改变。加上英国政府拿赤道以南发现个贩奴船上个奴隶一律送到塞舌尔解放，塞舌尔咾快开始繁荣。1879年，维多利亚正式获得城市身份，有了自家个议会。1903年，塞舌尔从毛里求斯独立出来，成为一个英国直属个殖民地。拉咾长个一段辰光里向，塞舌尔侪是英国流放政治犯个场所。来自霹雳州个一位苏丹拉此里写出了今朝马来西亚国歌个曲调，来自塞浦路斯个马卡里奥斯大主教则祝福箇里永受上帝保佑。

一战开始后，当地个补给受到影响，工资下降，物价飞升，塞舌尔人组织个劳工队也拉东非遭到了惨重个伤亡。塞舌尔人觉得遭到了忽视，拉战后开始抗议英国个统治。1939年，塞舌尔第一个政党成立。弗久，英国政府被迫开放选举权，但是塞舌尔仅有2000人享受到了箇一权力。

1964年，弗朗斯-阿尔贝·勒内率领个塞舌尔人民统一党搭詹姆斯·曼卡姆率领个塞舌尔民主党相继成立。1970年，以曼卡姆为首个自治政府成立。1974年大选结束后，新成立个两党联合政府积极搭英国商谈独立事宜。1976年，塞舌尔拉英联邦内独立。

独立之后

1977年6月5号，当曼卡姆拉国外访问时，勒内发动政变拿渠推翻，自任塞舌尔总统，并拉全国实行一党制，投向以苏联为首个社会主义阵营，建设社会主义国家。拉勒内独裁个箇段辰光里向，虽然拉经济上表现良好，政府还是遭到了多次未遂政变个威胁，反对派拉海外也受到了广泛支持。

1991年年底，勒内被迫开放党禁，恢复民主选举。拉之后个历次选举中，勒内领导个塞舌尔人民进步阵线侪取得了胜利。