塘浦社区

塘浦社区
—  社区  —
省	浙江
市	湖州
縣	安吉
街道	递铺街道

塘浦社区，是吳越浙江省湖州市安吉縣递铺街道个一隻社区。

塘浦社区来咚县城个西面，东面是万亩村，南面是东浜社区，北面是西苕溪。根据2023年个《浙江省标准地名录》，塘浦社区面积12平方公里，人口1420人。

2001年召开村改居动员会，包括塘浦村个17隻村坊会得撤脱行政村组建居委会。

历史沿革

老底子孝丰西乡、南乡个毛竹、木炭咾啥个山货，走水路运到梅溪去，帆船、竹筏都停勒箇裏，是一隻小集镇，光绪《孝丰县志》有“灵奕乡艮图唐福镇”，後歇來改名塘浦。另外，来咚西苕溪北岸，也有一隻叫塘浦个自然村，介歇归康山村管。

历史上归孝丰县灵奕乡，叫唐福镇；1949年，归孝丰县永福乡，同一年秋天公撤乡建区，归郭孝区，叫塘浦村；1950年春天公，归塘浦乡；1956年，光华、黎明、华光三隻初级社一淘建塘浦高级社；1958年10月份，归塘浦管理区，叫塘浦生产队；1961年9月份，叫塘浦大队；1984年1月份，改叫塘浦行政村。