堂子
箇篇文章讲个是湖州地区對供“堂子五聖”个小庙个叫法，也可以是有关箇個条目名称另外个意思，请参看“堂子（分清爽）”。堂子，是吴越湖州地区个一种小香火庙，裏向供“堂子五圣”。老底子鄉下頭交通要道全有箇種小庙，有交關場許還用“堂子”作地名。[1]
明朝田藝蘅《留青日札》里向收进个一种讲法讲，朱元璋平定天下之后封功臣，做夢夢到千千萬萬陣亡个兵来求渠，朱元璋答应让渠拉五個人一组，到各地享受祭祀，渠命令江南人家立尺五小廟，俗稱五聖堂。[2]有人认为湖地刮堂子就是介来个。[3]民国《双林镇志》裏向寫：“湖俗信鬼，祀五圣堂子最盛。五圣不知何神，乡间村路、水口各处建一祠，广、高不逾四五尺，其中或塑像，或画壁，以至小巷、空园、屋壁、树旁多建祀之。年底及清明、端午各节必往祝。”[4]
湖州鄉下頭刮堂子一般性造拉路口、河湾、桥堍、桑园刮地方。裏向墙丄畫神像，或者就寫四字神名，前頭擺香台好烧香、点蜡烛、燒纸钱。[3]
吴越各地也全有箇種“五圣庙”、“五圣堂”，叫法各异。[5]
搭界个文章
[编辑]參考文獻
[编辑]- ↑ 湖州市地名领导小组（1982年12月）．浙江省湖州市地名志 ．湖州市地名领导小组，125-126．
- ↑ 罗孟汀．“五通桥地名考”，乐山市市中区地方志办公室 编：乐山史志资料 总第105期至108期 ，5．
- ↑ 3.0 3.1 （简体中文）费屹巍（2016）．环渚龙腾 ．环渚乡成人文化技术学校，31-32．
- ↑ 施敏锋（2016年09月）．民间信仰的湖州镜像 一种区域社会视野下的“公共知识”探究 ．杭州：浙江工商大学出版社，38-39．ISBN 978-7-5178-1617-1．
- ↑ 郑士有（2005年05月）．“五通信仰”，齐涛 编：中国民俗通志 信仰志 ．济南：山东教育出版社，320-327．ISBN 7-5328-4790-X．