城西回民村
| 城西回民村 | |
|---|---|
| — 行政村 — | |
| 省 | 江苏 |
| 市 | 常州市 |
| 區 | 武进区 |
| 镇 | 雪堰镇 |
城西回民村勒垃武进区雪堰镇城湾山区，南靠太湖，北靠锡宜高速公路，232省道从村里向穿过，辖区面积5.08平方公里。[1][2]
歷史沿革
[编辑]清朝手裏，潘家镇歸常州府阳湖县新塘乡，民国初年歸武进县新塘乡，1993年撤乡建镇，成立仔潘家镇。[3]2007年，東面个雪堰镇担潘家镇喫脫哉，[3]同一年，城西村改名城西回民村。[4]
回教歷史
[编辑]根据《武进县志》咾回民个家谱，回民村个回民是元朝至元年开始望南迁到第搭定居个。[3]韩姓回民畀人认为是顶早搬过来个人家，是元朝初年打河南南阳来个；董姓是元末明初打陇西郡（难朝甘肃省天水等地区）搬过来个，吕姓是明朝初年打中国西北地区搬过来个。[3]明朝洪武十年，常州府推官杨潋川造仔陡门塘清真寺，后首来渠又勒垃常州双桂坊造仔隻清真寺，介咾有“先有陡门塘，后有双桂坊”箇聲閒話。[3][5]清朝同治兩年，清真寺请仔济南人米兰田来當阿訇，後首來米氏家族连任四代阿訇，到20世纪60年代米清华過世，清真寺个礼拜也停脱哉。[3]
文化大革命个辰光，清真寺畀人破坏脱，宗教物品咾典籍也烧脱，穆斯林畀人拉出去批斗。[3]改革开放以后清真寺勒2000年重新修过，[6]必过难朝除脱办丧事，无得人到清真寺里向去参加宗教活动。[3]
民族
[编辑]回民主要蹲勒陡门塘一带，[3]陡门、中巷、董家、鲁家、筱坞箇五隻小組。[7]
參考
[编辑]- ↑ 常州市伊协. 回汉民族心连心 共同建设幸福村——记常州市城西回民村. 江苏穆斯林. 2015, (4): 68–69 [2025-06-20]. （原始内容存档于2016-08-28）.
- ↑ 武进区政府 (2025-03-06). 城西回民村. 常州市武进区人民政府. 原始文档勒2025-04-13存档. 访问日脚2025-06-20.
- ↑ 3.0 3.1 3.2 3.3 3.4 3.5 3.6 3.7 3.8 王华. 伊斯兰文化的想象与再造——一个苏南回民村的乡村建设考察. 北方民族大学学报(哲学社会科学版). 2014: 56–60. ISSN 1674-6627.
- ↑ （2011年03月）朱唤忠 编：武进民政志 1994-2007 ．北京：方志出版社，398．ISBN 978-7-5144-0078-6．
- ↑ 常州市伊协. 一生建两寺 回民第一人——杨潋川修建清真寺的传说. 江苏穆斯林. 2015, (4): 78–80 [2025-06-20]. （原始内容存档于2016-08-28）.
- ↑ 贾帝; 武进区民族宗教局 (2017-04-12). 常州这个村被命名为"中国少数民族特色村寨". 中国江苏网. 原始文档勒2025-06-20存档. 访问日脚2025-06-20.
- ↑ 张慧卿（2022年10月）．长三角聚居性少数民族农村社区参与式治理研究 ．镇江：江苏大学出版社，107．ISBN 978-7-5684-1843-0．