国福路

国福路北端

国福路是中華人民共和國上海市杨浦区一條南北走向个路，南面到政修路，北面到邯郸路望北，长380米，阔10米。邯郸路望南段民国29年（1940年）东洋人修个，伊辰光叫协仪路西二街，邯郸路望北段伊辰光叫同化路西四街。民国35年（1946年）侪改名叫国福路。1950年代，复旦大學校区望东扩张，拿国福路北段圈脱，只有南段还叫國福路。路边有复旦大学教工宿舍。國福路51號是陳望道舊居。1956年，杨西光做復旦大學黨委書記个辰光造仔國福路61号、國福路65号，分別畀苏步青、陈建功住。文革后期，國福路65号畀生物学家谈家桢住。2021年，國福路61号苏步青旧居、國福路65号谈家桢（陈建功）旧居、陳望道舊居摆勒一道叫玖园爱国主义教育建筑群，对公众开放。