国家肝癌科学中心勒垃上海市嘉定区安亭镇东方肝胆外科医院安亭院区西面，是中国科学院院士吴孟超、中国工程院院士王红阳（东方肝胆外科研究所生物信号传导研究室主任）牵头，第二军医大学联合复旦大学、上海交通大学一淘申报，是继国家纳米科学中心後头国家发改委立项批准个第二隻“国家科学中心”。项目总投资1.5亿元左右，建设周期2年，建设资金主要是国家支持，上海市畀伊相应配套个。
箇中心依靠东方肝胆外科医院安亭院区，盯牢降低中国肝癌发病率、病死率个目标、关注肝癌研究领域个重大科技关键问题，开展肝炎、肝硬化望肝癌发展个预警预防咾啥个转化医学研究，畀肝胆肿瘤个精准治疗提供支持。
