四新食苑
（从四多点心店转戳到箇里）
四新食苑是勒垃上海市虹口区四川北路丄个一爿小吃店，前身是湖北人杨腊桂[1]开个新芳斋糕团店，1958年公私合营个辰光改名四多点心店，1994年改成现在箇隻名字。伊主要经营汤团、小馄饨、三黄鸡、卤菜、各式浇头面，箇当中汤团顶出名，号称“汤团大王”，故咾别称四新汤团店。1994年，箇爿店评为上海市名特小吃，1997年评为中华名小吃，2000年成为中国名点[2]:名特商店。2020年新冠疫情冲击下头，资金困难开弗下去，经区里向协调，由虹口糕团食品厂协助出钞票恢复门店[3]，当年7月10号恢复营业[4]。2022年评为上海老字号[5]。
参考
[编辑]- ↑ 龙钢. 【海上记忆】上海人夜宵是汤圆、烧鸭、叉烧、柴爿馄饨……. 上观新闻.
- ↑ 上海市虹口区地方志编纂委员会 编（2011）．上海市虹口区志1994-2007 ．方志出版社．ISBN 978-7-5144-0313-8．
- ↑ 周楠 (2020-07-13). 这家老字号在四川北路重新开张，背后有另一家老字号的鼎力相助. 上观新闻.
- ↑ 国民饮食店“四新食苑”回来啦！更方便更好吃更用心~. 上海虹口 (2020-07-11).
- ↑ 共计104个！2022年上海老字号名录公布→. 上海虹口微信公众号. 上海市虹口区人民政府门户网站. 访问日脚2023-12-03.
