吴淞路闸桥

吴淞路闸桥是中国上海市一座已经拆脱个桥，原址勒垃苏州河黄浦江交汇处边浪，外白渡桥西面，南端是外滩（中山东一路），北端是吴淞路。

20世纪80年代，上海车辆猛增，外白渡桥车辆严重堵塞，外加苏州河环境整治需要，1989年吴淞路闸桥动工，1991年4月份完工，双向5车道，大大减轻外白渡桥交通压力。闸桥既是公路桥，也是苏州河口个水闸，故咾叫“闸桥”。吴淞路闸桥造好以后，外白渡桥改成南向北单向通行。2008年外白渡桥大修个辰光，吴淞路闸桥起仔分流作用。

为咾配合外白渡桥重新通车外加外滩综合改造工程，2009年4月份开始，吴淞路闸桥南向北通行封闭脱，10月17号开始，吴淞路闸桥北向南个通行封闭脱，同一天开始拆脱，水闸功能畀金山路水闸代替，公路功能畀外滩隧道、外白渡桥咾啥个取代。