吴惠秋

吴惠秋（1887年—1977年），原名吴珉，号希英，吴越吴兴双林镇（介歇归湖州市南浔区）人。

生平

吴惠秋原名吴珉，是清朝光绪十三年（1887年）生个，是双林镇钟秀坊吴氏个后代。阿爹吴莲洲，爷吴善军，靠教书为生。吴惠秋9岁个辰光，爷娘无得嘚，阿爹養渠咾，搭渠卖畀人家做养新婦，老公比渠小四歲。過脫五年，夫家逼渠完婚，吴珉寻着機會逃脫，到南浔寄母钱琴韵拉。

箇辰光钱琴韵是南浔浔溪女校校董。1906年春天公，秋瑾经過褚辅成介绍到浔溪女校教書，拉钱琴韵拉屋裏认识嘚吴珉咾，卖脫自家个首饰相帮渠赎身。赎身之后吴珉到浔溪女校读书，成为秋瑾个学生子，秋瑾还搭渠取号“希英”。无得几许辰光，秋瑾到上海创办《中国女报》，吴珉也跟牢渠到上海咾，到秋瑾创办个女子创业公司做生活。同一年冬天公，跟牢秋瑾到绍兴大通体育师范学堂做生活。